咖啡沙冰

夏日炎炎。最好就係食下沙冰or乳酪 (總之係凍野啦)
 

係屋企可以無攪拌器or果汁機or調理機的情況下整成的沙冰

半年前買左個沙冰杯架。都要玩幾次至搖到成形。可惜好費氣力+搖到手都攰。

係廚房shake完到行返去自己房都差唔多又慢慢溶返。

都唔明點解教人搖個沙冰條片shake 咁easy。而我…..就唔得ge?!

飲凍野飲極都覺得唔夠喉。而且飲得多對身體又唔好。

 

所以又做無聊事啦。尋日沖杯咖啡突然好想食沙冰。

沖好杯咖啡後加幾粒冰落去。摸下個杯涼浸浸就成個杯塞落冰格雪下佢。

但我就成日心思思打開雪櫃睇下進度。

[圖(1)] 諗住差唔多4-5hrs應該已經結成冰。點知拎匙羹用力篤一篤。

中間果part未得囉。試完味道又塞返落去。

[圖(2)]&[圖(3)] 今日真係成舊(杯)冰囉…硬到呢。好有自己要玩冰雕咁款。

用匙羹係咁”作" "作” “作”。終於似返個沙冰look。

至於味道點都係用機攪出來會味道均勻d ge。

我呢杯雖然幾大工程(等待ge時間長)。但效果唔錯ge(唔好甜就啱囉)。